A madadin ni kaina shugaban cri Hausa listeners club na jihar Yobe, Nigeria. Muna mika godiya da yabo mai yawa zuwa ga malam Murtala Zhang Weiwei, bisa kokarinsa na kawo mana rahotanni masu gamsarwa da ilmantarwa akai-akai ga kuma kokarin da yake wajen kawo mana tsarabar masamman a cikin shirinku na 'In ba ku, ba gida'. Banda wannan, malam Murtala Zhang ya nuna kauna da kulawa ga masu sauraron cri Hausa a taraiyar Nigeria inda har ya ziyarci masu sauraro a birnin Kano yayinda kuma ya sada zumunci da masu sauraro ta wayar salula a jihohin Yobe, Gombe da jihar Jigawa. Daga lokacin da malam Murtala Zhang ya zo birnin Abuja, taraiyar Nigeria a 2012-2016 da muke ciki, Malam Murtala ya yi abokanai a birnin Abuja da jihohin Kano, Yobe, Jigawa, Gombe da jihar Nasarawa da Sokoto. Agaskiya malam Murtala Zhang, yana son jama'a kuma mutanen mai kwazo da himma wajen gudanar da aikinsa na aiko wa cri Hausa rahotanni. Muna kara miko rokonmu ga malam Sunusi Chan da sauran shugabannin sashin Hausa na cri da su kara wa malam Murtala wasu shekaru 3, ta yadda zai samu zarafin kara gamsar da mu da rahotanni masu dumi-dumi da kuma ilmantarwa.

Daga Alhaji Ali kiraji Gashua.