Ma'aikatar cinikayyar kasar Sin, ta ce mahukuntan kasar na ci gaba da daukar matakai daban daban, domin saukakawa masu sana'ar sayar da abinci da masaukai, a gabar da ake yaki da cutar COVID-19.

Da yake karin haske game da hakan, yayin wani taron manema labarai da ya gudana a yau Laraba, jami'i a ma'aikatar Xian Guoyi, ya ce an tanadi matakan samar da sauki, ta fuskar hada hadar kudi ga sassan biyu, duba da yadda bullar cutar ya haifar da matsin lamba gare su. Xian Guoyi ya ce za a dauke harajin VAT da sassan suke biya, domin ba su damar samun riba daga kasuwancin su. (Saminu)