2019-11-30 20:31:53        cri

Gabanin ranar yaki da cutar kanjamau ta duniya dake gudana ranar 1 ga watan Disamban kowacce shekara, Firaministan kasar Sin Li Keqiang, ya yi kira da kada a yi kasa a gwiwa wajen daukar matakan kariya da yaki da manyan cututtuka masu yaduwa kamar kanjamau.

Li Keqiang, wanda kuma mamba ne na kwamitin gudanarwa na hukumar kula da harkokin siyasa ta kwamitin tsakiya ta JKS, ya ce kasar Sin ta samu nasarori a fannonin kariya da yaki da cutar kanjamau, yayin da take fuskantar wasu sabbin abubuwa masu jan hankali. (Fa'iza Mustapha)