2019-11-26 20:25:12        cri

Firaministan kasar Sin Li Keqiang, ya jaddada bukatar bullo da shirin raya kasa na shekaru biyar-biyar karo na 14 a manyan matakai, tare da bullo da wani sabon mataki na raya tattalin arziki da inganta rayuwar jama'a.

Mr Li ya bayyana haka ne, yayin taron musamman game da shirye-shiryen taron shirin raya kasa na shekaru biyar-biyar karo na 14 kan raya tattalin arziki da jin dadin jama'a da ya jagoranta jiya Litinin.

Ya ce, kamata ya yi a nazarci tare da kaddamar da wasu manyan manufofi, da manyan matakan gyare-gyare da bude kofa da manyan ayyukan injiniya, don taimakawa shirin raya kasa na shekaru biyar-biyar karo na 14, da mayar da hankali kan bunkasa tattalin arziki, bunkasa masana'antu da inganta rayuwar jama'a, da kare aukuwa da ma daidaita hadurra. (Ibrahim Yaya)