Shugaban Masar Abdel Fattah al-Sisi, ya gana a jiya Alhamis, da Sarkin Bahrain, Hamad bin Isa Al Khalifa, a birnin Cairo na Masar, inda suka lashi takobin ci gaba da habaka dangantakar kasashensu.

Wata sanarwar da fadar shugaban kasar Masar ta fitar, ta ruwaito Sarkin na Bahrain a nasa bangaren, na bayyana shirin kasarsa na zurfafawa da inganta hadin gwiwar dake tsakaninta da Masar. (Fa'iza Mustapha)