2019-09-26 09:40:44        cri

Ya zuwa yanzu, Sin na kan matsayi na biyu a duniya bayan Amurka, ta fuskar zuba kudin yin nazarin kimiyya da kera kayayyaki, yawan ma'aikata a wannan fanni ya kai matsayin koli a duniya cikin shekaru 6 a jere, kuma yawan bayyanan Sinawa da aka ruwaito a duniya a wannan fanni ya dade da kaiwa matsayi na biyu. Ban da wannan kuma, yawan bukatun neman izinin mallakar fasaha ya kai matsayin koli a duniya a cikin shekaru 8 a jere, matakin da ya sa Sin ta zama babbar kasa wajen mallakar fasaha a duniya.

Tun bayan kafuwar jamhuriyar jama'ar kasar Sin, aka tsai da shirin kokarin raya kimiyya da fasaha, zuwa ga gudanar da tsarin yin kwaskwarima a gida da bude kofa ga waje, inda aka mai da kimiyya da fasaha matsayin karfi mai tushe na samar da kayayyaki. Kana kuma, daga shekaru 90 na karni na 20, Sin ta fitar da tsarin raya kasa ta hanyar kimiyya da ilmi, kuma har zuwa yanzu, ana dora muhimmanci sosai kan karfafa kasar Sin don zama kasa mafi karfi a fannin kimiyya a duniya. Sin na nacewa ga yin kirkire-kirkire cikin 'yanci da kara ba da tabbaci ga ikon mallakar ilmi. Tattalin arzikin Sin na samun bunkasuwa cikin sauri bisa karfin yin nazari da kirkire-kirkire mai inganci, da sabbin kimiyya da fasahohi, sabbin albarkatu da fitar da sabbin kayayyaki da sauransu. (Amina Xu)