Jiya da dare ne firaministan kasar Birtaniya Boris Johnson ya ba da wata sanarwa bayan taron gaggawa da majalisar ministoci ta kira, inda ya ce, ko ta yaya ba zai bukaci kungiyar tarayyar Turai wato EU ta jinkirta wa'adin ficewar kasarsa daga kungiyar ba. A ranar 31 ga watan Oktoba ne, aka tsara ficewar Birtaniyar daga daga EU.

Firaministan ya yi kira ga 'yan majalisar da su jefa kuri'ar kin amincewa da duk wani yunkuri na jinkirta ficewar kasar daga EU. Haka kuma mista Johnson ya musunta jita-jitar da ake yi cewa, kila zai shirya babban zabe kafin lokacin da aka tsara.(Tasallah)