2019-08-16 14:21:12        cri

Rundunar 'yan sandan Hong Kong ta ce ta kama mutane 5 da ake zargi da cin mutuncin tutar kasa.

An kama mutanen 5 da suka hada da maza 4 da mace 1 masu shekaru tsakanin 20 – 22 ne a ranekun 14 da 15 ga watan Agusta a yankunan Mong Kok da Ma On Shan da Sham Shui Po da Ngau Tau Kok da kuma Wong Tai Sin.

'Yan sandan sun kuma kwace kwamfutoci da wayoyi da tufafi daga gidajensu domin ci gaba da bincike.

A ranekun 3 da 5 ga watan nan, wasu masu zanga-zanga suka cire tutar kasar Sin daga jikin sandarta a yankunan Tsim Sha Tsui da Kowloon, daga bisani kuma suka jefa cikin teku. (Fa'iza Mustapha)