2019-08-15 11:16:18        cri

Shugaba kasar Iran, Hassan Rouhani, ya bukaci kasashen dake yankin tekun Fasha, da su kulla akala a tsakaninsu, don tabbatar da tsaron sufurin teku

Rouhani wanda ya yi wannan kiran yayin taron majalisar gudanarwar kasar, ya bayyana cewa, batun kafa sabon kawance a yankin Gulf da yankin gabar tekun Oman, ba zai yi tasiri ba, ko da an aiwatar da shi, ba zai kuma taimaka wajen tabbatar da tsaron shiyyar ba.

Amurka da kawayenta sun bayyana damuwa kan yadda Iran ke kara yin tasiri a shiyyar. A kwanakin baya ne, Amurka ta kara girke dakaru, da jiragen ruwan yaki da masu kakkaba jirage a iyakokin kawayenta dake yankin Gulf, sannan ta yi kira da a kafa hadakar sojojin tsaron teku.(Ibrahim)