2019-08-14 19:59:48        cri

Mahukunta a jihar Lagos dake kudancin Najeriya, sun tabbatar da rasuwar mutane 3, da wasu 2 kuma da suka bace, sakamakon hadarin wasu jiragen ruwa 2 da ya auku a jiya Talata.

Jami'in hukumar dake kula da hanyoyin ruwa a jihar Oluwadamilola Emmanuel, ya shaidawa manema labarai cewa, jiragen ruwan dakon fasinjoji 18 ne suka yi karo da juna, a yankin Irewe dake karamar hukumar Ojo.

Ya ce binciken farko ya tabbatar da cewa, hadarin ya auku ne sakamakon tukin ganganci, da kuma gudun da ya wuce kima da matukan jiragen ke yi lokacin da hadarin ya auku. (Saminu)