Jiya da misali karfi 9 da mintoci 20 na dare agogon wurin, an samu gocewar kasa a gundumar Shuicheng na birnin Liupanshui dake lardin Guizhou, lamarin da ya binne gine-gine 21, ya zuwa yanzu mutane 11 sun mutu, wasu 42 kuma ba a ji duriyarsu ba.

Bayan aukuwar wannan bala'i, shugaban kasar Sin Xi Jinping ya dora muhimmanci sosai kan lamarin, ya kuma ba da muhimmin umarni, inda ya bukaci a yi kokarin gano tare da ceto wadanda suka makale a karkashin kasa, a ba da jinyya ga wadanda suka jikkata tare da tsugunar da wadanda bala'in ya shafa, kana a kula da iyalan mamata da sauran ayyuka. (Amina Xu)