Bikin baje-kolin na kwanaki uku zai shafi bangarori masu yawa kama daga bangaren masu sarrafa kayayyakin kwalliyar gidaje, da na kawata dakuna, da kofofin daki, da tagogi da sauran bangarorin injuna.
Za a gudanar da bikin bake-kolin ne a cibiyar baje-kolin kasa da kasa dake Chongqing.
Baya ga batun nuna saurin bunkasuwa da yawan kwararru da za su ziyarci bikin, ana fatan bikin baje-kolin zai taimaka wajen bunkasa harkokin kasuwanci da hadin gwiwa tsakanin kamfanonin dake samar da kayayyakin gine-gine a yammacin kasar Sin.
Sama da masu baje-koli 1,000 da 'yan kallo dubu 50 ne ake sa ran za su halarci bikin baje-kolin inda ake sa ran yin ganawar masana'antu sama da 15. (Ahmad Fagam)