Kasashen Sudan da Habasha sun rattaba hannu kan wata yarjejeniya, jiya Talata a birnin Khartoum, da nufin tura jami'an tsaro na hadin gwiwa zuwa iyakar da ta raba kasashensu.

Taron da aka yi tsakanin kwamitin sojin Sudan da na Habasha, da ya gudana a Khartoum babban birnin Sudan tsakanin ranar 10 zuwa 12 ga wata, ya yi nazarin batutuwan dake da alaka da hadin gwiwa a fannin ayyukan soji da kuma hanyoyin inganta su.

Taron ya kuma tattauna kan farfado da matakan dake da alaka da tsaron iyaka da yaki da masu fasa kauri da laifukan da ake aikatawa tsakanin iyakoki da matakan wanzar da zaman lafiya. (Fa'iza Mustapha)