Wakilin musammam na shugaban hukumar AU a Somalia, Francisco Madeira, na jimamin mutuwar babbar jami'ar shirin wanzar da zaman lafiya na Tarayyar a hatsarin jirgin saman Ethiopia.

Francisco Madeira, ya ce ya kadu da jin mutuwar Christine Alalo, wadda ta kasance mukaddashiyar kwamishinan 'yan sanda a shirin AMISOM na AU mai wanzar da zaman lafiya a Somalia.

Cikin wata sanarwa da ya fitar a Mogadishu, jami'in ya ce Christine Alalo 'yar asalin kasar Uganda na daga cikin mutane 157 da suka mutu a hatsarin jirgin saman Ethiopia mai lamba 302, bayan ya tashi da minti 6 daga birnin Addis Ababa, domin zuwa Nairobin Kenya a ranar Lahadi. (Fa'iza Mustapha)