Babban sakataren MDD Antonio Guterres ya ce, sauyin yanayi hadari ne da duk duniya ke fuskanta a halin yanzu, amma ba a mayar da hankali sosai kan wannan batu.
Babban sakataren ya bayyana haka ne a yayin da yake jawabi a taron shekara-shekara na dandalin tattaunawar tattalin arzikin duniya dake gudana yanzu haka a Davos. Ya kara da cewa, yanzu duniya na fuskantar barazanar cinikayya, matsalar bashi, rashin daidaiton kasuwar kudi da sauran hadurra, amma sauyin yanayi ya fi tsanani bisa hasashen da masana suka yi. (Bilkisu)
