Tawagar wanzar da zaman lafiya ta kungiyar AU mai aiki a kasar Somalia ko AMISOM a takaice, ta musanta jita jitar da ake yadawa, cewa wai mayakan kungiyar 'yan ta'adda ta Al Shabab, sun hallaka wasu dakarun rundunar a yankin Lower Shabelle dake kudancin kasar Somalia.

Rundunar ta AMISOM ta ce dakarun ta na ci gaba da sintiri a yankin, sun kuma cimma nasarar dakile yunkurin da 'yan ta'adda suka yi, na yi musu dirar mikiya a garin Gandawi. (Saminu Alhassan)