in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Shirin wanzar da zaman lafiya na AU na kokarin sanya 'yan banga cikin rundunar tsaron Somalia
2018-03-31 12:35:40 cri

Shirin wanzar da zaman lafiya na Tarayyar Afrika AMISOM, ya ce ya fara yi wa 'yan bangar Darwish na Jihar Jubbaland rajista, kafin a shigar da su cikin rundunar tsaron yankin.

Shugaban 'yan sandan AMISOM a yankin Kismayo, Martin Abili ya ce sama da 'yan banga 5,000 ne aka yi wa rajista a yankunan Gedo da Lower Juba da kuma Middle Juba.

Wata sanarwa da Martin Abili ya fitar a Mogadishu, ta ce matakin ya dace da shirin AMISOM da na MDD dake da nufin shigar da 'yan bangar cikin rundunar 'yan sanda a Jubbaland, wadanda za a dorawa nauyin tabbatar da doka da oda da kuma tsaro a jihar.

Ya ce rajistan ya kunshi karbar bayanan ko wane mutum, ciki har da hoto da hoton yatsar hannu.

Ya ce za a sanya 'yan bangar cikin rundunar 'yan sandan Jubbaland ko wasu hukumomi tsaro ko kuma rundunar sojin Somalia. (Fa'iza Mustapha)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China