Rundunar 'yan sandan kasar Uganda ta tabbatar da nitsewar wani jirgin ruwa a tabkin Victoria na yankin Mukono dake tsakiyar kasar, inda ta ce an ceto mutane sama da 40, yayin da mutane 10 suka rasa rayukansu.

Rahoton da rundunar 'yan sandan kasar ta wallafa jiya a shafin intanet, ya ce, ana ci gaba da aikin ceto a yankin, sa'an nan, za a gabatar da karin bayani kan batun.

Ya zuwa yanzu, ba a tabbatar da yawan mutanen dake cikin jirgin ruwan a lokacin da hadarin ya auku ba.

Jiragen ruwan Uganda su kan nitse sakamakon daukan mutane fiye da kima da kuma sauran wasu dalilai. Ko a ranar 22 ga watan Maris din shekarar 2014, nitsewar jirgin ruwa a tabkin Albert dake yammacin kasar, ya yi sanadin mutuwar mutane a kalla 108. (Maryam)