Jami'in majalisar kolin kasar Sin kana ministan harkokin wajen kasar Wang Yi ya sanar da cewa, Sin da Rasha za su cigaba da daukar kwararan matakan da suka dace domin ciyar da matsayin dangantakar dake tsakanin kasashen biyu gaba zuwa matsayin muhimmiyar hadin gwiwa daga dukkan fannoni.

Ministan yayi wannan tsokaci ne a lokacin ganawa da takwaransa ministan harkokin wajen Rasha Sergei Lavrov, a gefen taron ministocin harkokin wajen kungiyar ASEAN dake taro da kuma tattauna sauran batutuwa.

Wang ya bayyana cewa, shugabannin Sin da Rasha sun cimma wata muhimmiyar sabuwar matsaya a lokacin ganawarsu a taron BRICS a kasar Afrika ta kudu, ya kara da cewa, wannan ya nuna a fili yadda kasashen Sin da Rasha suka kasance muhimman abokan huldar juna. (Ahmad Fagam)