in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Yakin ciniki zai bata tattalin arzikin Amurka, in ji "baba" mai ba da taimakon kudi ga jam'iyyar Republican ta Amurka
2018-07-31 10:44:48 cri
Shugaban taron manyan shugabannin zartaswa na kamfanin Koch, kana "baba" mai ba da taimakon kudi kan harkokin siyasar jam'iyyar Republican ta kasar Amurka, Charles G. Koch ya yi gargadin cewa, mai iyuwa yakin cinikin da kasar Amurka ta tayar zai haddasa lalacewar tattalin arzikin kasar.

Ya bayyana a ranar 29 ga wata cewa, bai dace a yi kariyar ciniki ba, kuma bai kamata kasar da ta samu ci gaba, ta shigar da kanta cikin yakin ciniki ba. Ya ce, idan Amurka ta ci gaba da rufe kofarta ga kasashen waje, matakin zai haddasa mata mummunar matsala.

Tawagar siyasa mai taken "Koch Network" dake karkashin jagorancin Charles G. Koch, na daya daga cikin masu goyon baya mafi karfi ga harkokin siyasar jam'iyyar Republic ta kasar Amurka, amma a baya-bayan nan, ta sha nuna rashin amincewarta da manufofin ciniki na gwamnatin Trump.

Bugu da kari, a watan Yunin na bana, tawagar ta tsara wani aikin lallashi wanda zai kashe dallar Amurka sama da miliyan 1 da kuma shekaru da dama, domin nuna kiyaya kan manufar kara harajin kwastan da gwamnatin Trump ta fidda. (Maryam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China