Kakakin ma'aikatar harkokin wajen kasar Sin Geng Shuang, ya ce kasarsa ba ta jin tsoron kalubalen da shugaban kasar Amurka ke haifarwa, game da karbar harajin kayayyakin cinikayya na Sin da ake shigarwa Amurka, wadanda suka kai dalar Amurka biliyan 500.

Kakakin ya bayyana haka ne, a yayin taron manema labaru da aka shirya a yau Litinin, inda ya kara da cewa, kasar Sin ba ta son yin yakin cinikayya, amma kuma ba ta jin tsoron sa, tana ma tsayawa kan matsayinta na yin yakin cinikayya ala tilas idan akwai bukatar hakan.

A Juma'ar da ta gabata ne, shugaban kasar Amurka Donald Trump ya bayyana wa manema labaru cewa, a shirye yake ya karbi haraji kan kayayyakin cinikayya daga kasar Sin, wanda yawansu zai kai dala biliyan 500. (Bilkisu Xin)