Hukumar hadin gwiwar tattalin arziki da samun bunkasuwa wato OECD， da hukumar abinci da noma ta MDD wato FAO, sun gabatar da rahoton shekara-shekara a birnin Paris a ranar 3 ga wata, inda aka yi hasashen bunkasuwar aikin noma na duniya a shekaru 10 masu zuwa.

Game da farashin amfanin gona na duniya a shekaru 10 masu zuwa. rahoton ya bayyana cewa, bukatun amfanin gona da hatsi a duniya zai ragu, kana hukumomin aikin noma za su ci gaba da inganta karfin samar da kayayyaki, don haka farashin amfanin gona a shekaru 10 masu zuwa ba zai karu ba.

Amma rahoton ya yi nuni da cewa, kasashe mafiya samun karuwar yawan mutane, musamman kasashen yankin gabas ta tsakiya, da arewacin nahiyar Afirka, da kudu da hamadar Sahara, da nahiyar Asiya, za su kara shigar da amfanin gona da hatsi cikin yankunansu. (Zainab)