Tun daga ranar 14 ga wannan wata, aka bullo da littafin "Tunanin watsa labaru na Xi Jinping na shekarar 2018" da hukumar kula da harkokin farfaganda ta kwamitin tsakiya na jam'iyyar kwaminis ta Sin ta rubuta a duk fadin kasar Sin.
Tunanin watsa labaru na Xi Jinping muhimmin kashi ne na tunanin shugaba Xi Jinping game da tsarin mulki na gurguzu mai halayyar musamman ta kasar Sin a sabon zamani da ake ciki. Bayan taron wakilan jam'iyyar kwaminis ta Sin karo na 18, Xi Jinping ya gabatar da sabbin ra'ayoyi da shawarwari da bukatu kan yadda za a kyautata aikin watsa labaru na jam'iyyar. Ya kuma amsa wasu tambayoyi a wannan fanni, da bayyana manyan batutuwan watsa labaru a fannonin matsayinsa a tarihi, alhakinsa, ka'idojinsa da sauransu, ta haka an kafa tsarin tunanin watsa labaru mai dacewa. (Zainab)
