Hukumar kula da zirga-zirgar jiragen sama ta kasar Sin (AVIC) ta bayyana cewa,ana saran jirgin saman dake sauka a ruwa da kuma kasa mafi girma a duniya da kasar Sin ta kera samfurin AG600 zai fara shiga hannun kwastominta nan da shekarar 2022.

Babban mai tsara jirgin Huang Lingcai ya bayyana cewa, bayan da jirgin ya yi nasarar tashin gwaji a watan Disamban da ya gabata, an kuma shirya jirgin zai tashi daga cibiyarsa ta gudanar bincike dake Zhuhai zuwa Jingmen dake lardin Hubei a tsakiyar kasar Sin.

Daga nan ne kuma jirgin zai fara tashinsa na farko a cikin ruwa a makeken wurin adana ruwan nan dake Jingmen, wanda aka shirya a wani lokaci a wannan shekara, kamar yadda Huang kana babban injiniya a cibiyar binciken harkokin jiragen sama na hukumar AVIC ya sanar.(Ibrahim)