in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
An kafa kungiyar yawon shakatawa ta Sinawa dake zaune a kasar Kenya
2018-03-21 11:49:05 cri
A jiya 20 ga wata, aka kafa kungiyar yawon shakatawa ta Sinawa dake zaune a kasar Kenya a birnin Nairobi, don haka kamfanonin yawon shakatawa masu jarin Sinawa dake kasar Kenya guda 28 suna da kungiyarsu ta sa ido a wannan fanni. Mashawarcin ofishin jakadancin kasar Sin dake kasar Kenya Wang Xuezheng ya taya murnar kafa kungiyar a madadin ofishin jakadancin Sin.

Kasar Kenya dake gabashin Afirka, tana da albarkatun yawon shakatawa. A yayin da ake kara yin mu'amalar al'adu a tsakaninta da kasar Sin. Yawan Sinawa dake zuwa kasar Kenya don yawon shakatawa yana ta karuwa, wato ya kai dubu 69 a shekarar 2017, wanda ya kai kashi 5.5 cikin dari bisa yawan dukkan mutanen kasashen waje da suka je kasar Kenya yawon shakatawa.

Wang Xuezheng ya bayyana a cikin jawabinsa cewa, kafa kungiyar yawon shakatawa ta Sinawa dake zaune a kasar Kenya tana da babbar ma'ana wajen sa ido kan yadda kamfanonin yawon shakatawa masu jarin Sinawa dake kasar Kenya suke tafiyar da harkokinsu, da samar da hidima ga masu yawon shakatawa na kasar Sin, da kuma inganta hadin gwiwa a tsakanin Sin da Kenya a fannin yawon shakatawa. Ana fatan kungiyar za ta inganta karfin sa ido kan kamfanonin da kare moriyar masu yawon shakatawa na kasar Sin bisa doka yadda ya kamata. (Zainab)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China