A gun taron manema labaru na zaman taron farko na majalisar wakilan jama'ar kasar Sin karo na 13 da aka gudanar a yau Litinin, mataimakin shugaban hukumar kula da ayyukan bada ilmi da kimiyya da al'adu da kiwon lafiya ta majalisar wakilan jama'ar kasar Sin Wu Heng ya bayyana cewa, bayan taron wakilan jam'iyyar kwaminis ta kasar Sin karo na 18, yawan ayyukan kafa dokoki a fannin al'adu da aka gudanar a kasar Sin ya karu har ya ninka sau biyu, ke nan ana gaggauta kafa dokoki a wannan fanni a kasar.

Wu Heng ya bayyana cewa, a cikin shekaru 5 da suka gabata, zaunannen kwamitin majalisar karo na 12 ya duba tare da zartas da dokar tabbatar da jin dadin al'umma ta fannin al'umma, da dokar raya sana'ar fim, da dokar dakin karatun jin dadin al'umma, sa'an nan ya kuma gyara dokokin kare kayayyakin tarihi da bayanan da aka adana, ta haka an kyautata yanayin dokokin al'adu na kasar. Sabbin dokokin al'adun da aka tsara sun jaddada jagorancin gwamnatin kasar, tare kuma da sa kaimi ga bangarori daban daba na al'umma da su shiga ayyukan a wannan fanni, har wa yau sun kyautata wasu ka'idoji a wannan fanni. (Zainab)