'Yar wasan wadda ta haifi diyarta na farko watanni 6 da suka wuce,ba ta halarci wata babbar gasa ba tun bayan gasar Australian Open da ta gudana a shekarar 2017, saboda cikin Alexis da ta ke dauke da shi. 'Yar wasan da ta lashe manyan lambobin yabo a wasan tennis har karo 23 na tare da burin zama mace ta farko wadda ta lashe kambi a gasar Indian Wells har karo 3, wato bayan nasarorin da ta samu a shekarar 1999 da 2001.
Rahotanni na cewa, Serena Williams da yayarta Venus Williams ka iya karawa da juna a zagaye na 3 na gasar ta wannan karo. Kana Serena za ta fafata da Zarina Diyas 'yar kasar Kazakhstan a zagayen farko na gasar. Diyas mai shekaru 24 a duniya, tana matsayi na 53 a duniya. Sai dai a gasannin 2 da suka fafata, Serena ta doke ta sau 2 a jere.
Serena ta yi fama da wasu 'yan matsaloli na rashin lafiya bayan da ta haifi diyarta, lamarin da ya hana ta damar halartar gasar Australian Open ta waccan shekara.(Bello Wang)
