Shugaban kasar Uganda Yoweri Museveni, ya kori ministansa na tsaro da shugaban rundunar 'yan sandan kasar, a wani tankade da rairaya na bazata da ya yi wa jami'ansa.

Korar ta biyo bayan rahotannin da kafafen yada labarai suka bayar, na rashin kyawun alakar aiki saboda neman iko da ya kai ga karuwar kashe-kashe da rashin tsaro a kasar dake gabashin Afrika.

Cikin sama da watanni 6 da suka gabata, an kashe akalla mata 26 a birnin Kamfala da tsakiyar lardin Wakiso, kuma har yanzu ba a kama galibin wadanda ke da hannu wajen aikata laifin ba. (Fa'iza Mustapha)