in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Amurka ta amince da birnin Kudus a matsayin babban birnin Isra'ila
2017-12-07 10:09:26 cri
Shugaba Donald Trump na kasar Amurka ya umarci ma'aikatar harkokin wajen kasar da ta fara shirye-shiryen mayar da ofishin jakadancin kasar dake Tel Aviv zuwa birnin Kudus, bayan da shugaban ya ayyana birnin na Kudus a matsayin babban birnin Isra'ila a hukunce.

Trump ya ce, wannan mataki ya dace da muradun kasar Amurka da ma kokarin da ake na wanzar da zaman lafiya tsakanin Isra'ila da al'ummar Palasdinawa.

Ya ce, mataki ne da tun bayan ba yau ba ya kamata a dauka, domin ciyar da shirin samar da zaman lafiya a tsakanin sassan biyu gaba. Sai dai kuma Trump ya musanta maganganun da bangarori da dama ke yi cewa, Amurka ta kauce daga shirinta na ganin an cimma yarjejeniya cikin lumana wadda bangarorin Isra'ila da na Palasdinwa za su amince da ita.(Ibrahim)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China