Kasar Angola ta kammala wasannin ta na neman gurbin buga gasar kwallon Kwando ta kasa da kasa PIBA a zagayen farko, gabanin gasar da za a buga a shekarar 2019 a kasar Sin.

Angola dai ta kammala wasan ta na karshe da janhuriyar dimokaradiyyar Congo da maki 73-64, yayin wasan rukunin C da aka buga a birnin Luanda a ranar lahadin karshen mako.

A wasan na neman gurbi zagaye na farko, Masar ce ta zamo ta biyu bayan ta doke Morocco.

Ana dai sa ran kungiyoyin dake neman gurbin buga wannan gasa za su fara zagaye na biyu, na wasanni daga watan Yunin shekara mai zuwa a kasar Masar.(Saminu Alhassan)