Wata sanarwa da babban asibitin garin Mubi ya fitar a jiya Laraba ta nuna cewa, mutane 25 daga cikin wadanda suka samu raunuka a harin kunar bakin wake da aka kaddamar a wani masallaci na garin Mubi a arewa maso gabashin Najeriya suna cikin hayyacinsu.

Ezra Sakawa, babban darakatan asibitin ya shedawa 'yan jaridu cewa, asibitin ya karbi mutane 48 wadanda harin ya shafa, 8 daga cikinsu sun mutu a yayin da ake duba lafiyarsu, kana mutane 15 an tura su zuwa asibitin gwamnatin tarayya dake Yola babban birnin jahar Adamawa.

Sakawa ya ce, ragowar mutanen dake kwance a asibitin suna cikin hayyacinsu kuma ana duba lafiyarsu.(Ahmad Fagam)