Jiya ne rana ta uku da jirgin ruwan dake ba da jinya kyauta na kasar Sin mai suna na Peace Ark ya iso kasar Tanzania dake gabashin Afirka, inda ya taimakawa majinyata da dama a Dar es salaam, birnin da ta girma a kasar.

Ya zuwa tsakar ranar jiya, ma'aikatan dake aikin ba da tallafin jinyar sun ba da hidimar jinya ga mutane 2115 a kasar ta Tanzania, tare kuma da duba lafiyar mutane 1483 ta daukar hoton sassan jiki na musamman, binciken bugun zuciya da dai sauransu, baya ga wasu na'urorin kiwon lafiya 5 da suka gyara, kana yiwa a mutane 4 aikin tiyata. (Bilkisu)