Kasar Sin ta bayyana cewa, ta kafa sansansin sojojinta ne a kasar Djibouti bisa shawarar da kasashen biyu suka cimma, kuma hakan zai taimakawa kasar ta Sin wajen taka rawa a harkokin da suka shafi kasa da kasa
Kakakin ma'aikatar harkokin wajen kasar Sin Geng Shuang wanda ya bayyana hakan a Larabar nan yayin taron manema labarai da aka saba gudanarwa, ya ce sansanin zai taimakawa sojojin kasar ta Sin yayin da suke yi wa jiragen ruwa rakiya a tekun Aden da yankin ruwayen Somaliya, da gudanar da ayyukan ceto baya ga ayyukan da suka shafi harkokin kasa da kasa.(Ibrahim)
