in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
MDD ta bayyana 'yanto birnin Mosul a matsayin babban mataki a yaki da ake da ta'addanci
2017-07-11 09:51:59 cri
Sakatare Janar na MDD Antonio Guterres ya bayyana 'yanto birnin Mosul na arewacin kasar Iraqi, a matsayin wani muhimmin mataki a yaki da ake da ta'addanci da akidar tsattsauran ra'ayi.

Cikin wata sanarwa, Guteress ya jinjinawa al'umma da Gwamnatin Iraqi saboda kwarin gwiwarsu da jajircewa da kuma juriya.

Sanarwar da aka fitar a jiya ta ruwaito cewa, MDD za ta ci gaba da goyon bayan Gwamnatin Iraqi kan ayyukan dake gabanta na yin dukkan abubuwan da suka kamata da ba da gudunmuwa don tabbatar da wadanda suka tsere daga muhallansu sun koma lami lafiya tare da dawo da tsarin mulki a yankunan da aka 'yanta da kare sake barkewar rikici da kuma daidaita duk wata doka da aka take.

A jiya Litinin ne Iraqi ta sanar da 'yanto birnin Mosul daga hannun kungiyar IS a hukumance, bayan an shafe watanni 9 ana gwabza kazamin fada don fatattakar mayakan daga tunkarsu ta karshe a Iraqi. (Fa'iza Mustapha)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China