A yayin da ake kammala taron kolin dandalin shawarar ziri daya hanya daya a nan birnin Beijing na kasar Sin, shugabannin kasashe da manyan kungiyoyin kasa da kasa kimamin 30 dake halartar dandalin sun cimma daidaito game da yin hadin gwiwa kan wannan shawara.

Shugaba Xi Jinping na kasar Sin wanda ya jagoranci zagayen tattaunawar, ya bayyana cewa, shugabannin sun amince cewa, za su karfafa hadin gwiwar kasa da kasa game da yadda za a bunkasa shawarar ziri daya hanya daya, sannan za su hada gwiwa wajen tunkarar kalubalen dake fuskantar tattalin arzikin duniya.

Ya kuma bayyana a yayin da yake jawabin rufe taron kolin cewa, shugabannin sun goyi bayan tsarin raya tattalin arziki na gajeren lokaci da yadda za a bunkasa manyan tsare-tsare a kokarin cimma bunkasuwa tsakanin kasashen duniya.

Bugu da kari, sun bayyana fatan gina wata gada da za ta samar da kafar musaya tsakanin jama'a da kuma yadda za a inganta rayuwar jama'a baki daya. (Ibrahim)