Babban magatakardan MDD Antonio Guterres ya fitar da sanarwa ta bakin kakakinsa, inda ya yi Allah wadai kan hare-haren da aka kai Masar, inda ya nemi a hukunta wadanda suka kaddamar da harin.
An kai wasu hare-haren bom kan majami'u a biranen Tanta da Alexandria dake arewacin kasar Masar a ranar 9 ga wata. Wata majiya daga ma'aikatar kiwon lafiya ta kasar ta ce, hare-haren sun yi ajalin mutane a kalla 43, tare da raunata wasu sama da dari. Kungiyar IS ta sanar da daukar alhakin kai hare-haren.(Murtala Zhang)
