Rundunar sojan kasar Koriya ta Kudu ta bayyana yau Litinin cewa, da sanyin safiyar wannan rana, Koriya ta Arewa ta harba wani abu da har yanzu ba'a san ko shi menene ba, daga Pyonganpuk-do zuwa gabashin zirin Koriya.

Kamfanin dillancin labaran Koriya ta Kudu ya ruwaito rundunar sojan kasar na cewa, da misalin karfe 7 da miniti 36 na safe, bisa agogon Koriya ta Kudu, Koriya ta Arewa ta harba wani abun da ba'a san mene ne ba a yankin Tongchang-ri na Pyonganpuk-do.

Kawo yanzu ba'a samu bayani dalla-dalla ba kan wannan harbi. Haka kuma rundunar sojan kasar na gudanar da nazari kan nau'in abun da Koriya ta Arewa ta harba, gami da tazarar tafiyarsa.

Tuni a ranar 12 ga watan Fabrairun bana, Koriya ta Arewa ta yi nasarar harba wani makami mai linzami mai cin matsakaici gami da dogon zango. (Murtala Zhang)