A daren jiya Litinin ne mataimaki ga shugaban kasar Amurka game da harkokin tsaro Michael Flynn, ya sanar da yin murabus daga mukaminsa. Daga baya kuma, fadar White House ta fidda wata sanarwa dake cewa, shugaba Donald Trump ya amince da murabus din na Mr. Flynn, ya kuma nada laftana janar Joseph Keith Kellogg wanda ya yi ritaya daga soja, a matsayin mataimaki ta fuskar tsaron kasa ga shugaban kasar.

A cikin wasikarsa ta yin murabus, mista Flynn ya ce, kafin ya kama aiki a hukumance, ya tuntubi wasu jami'an gwamnatocin ketare, da kuma jakadun kasashen waje da ke Amurka, ciki hadda jakadan kasar Rasha da ke Amurka. Mista Flynn ya amince da cewa, bai bayyanawa mataimakin shugaban kasar ta Amurka, cikakkiyar hirar da ya yi da jakadan Rasha ba, ko da yake bai yi hakan da gangan ko wata manufa ba. (Tasallah Yuan)