Kakakin ma'aikatar tsaron kasar Sin mista Yang Yujun, ya furta a yau Jumma'a cewa, kasar Sin ta nuna kin amincewa da yadda majalisar dokokin kasar Amurka ta zartas da sanya yunkurin mu'amala tsakanin bangarorin Amurka da Taiwan a fannin aikin soja cikin dokar da ta shafi aikin tsaron kasar Amurka. A cewar kakakin, kasar Sin ta bukaci kasar Amurka da ta nuna sanin ya kamata, da daukar matakan da suka wajaba don daidaita al'amarin. Yayin da kasar Sin a nata bangare tana da hakkin daukar wasu matakai don tinkarar batun idan akwai bukatar yin hakan.(Bello Wang)