Shugaban kasar Ghana John Dramani Mahama ya kada kuri'arsa a ranar Laraba, na zabukan dake gudana, a birninsa na asali na Bole Bamboi dake mazabar Bole dake yankin arewacin kasar.
Nana Addo Dankwa Akufo-Addo, babban mai adawa da shugaba John Dramani Mahama, ya jefa kuri'arsa a ranar Laraba da safe, a yankin asalinsa na Kyebi dake mazabar Abuajwa ta Kudu, dake shiyyar gabashin kasar.
An bude rumfunan zabe a ranar Laraba da masalin karfe 7 na safe, inda ake sa ran masu zabe miliyan 15 za su zabe shugaban kasarsu da kuma 'yan majalisu 275. (Maman Ada)
