Hafsan hafsosin sojin saman kasar Pakistan Air Marshal Sohail Aman, ya mikawa rundunar sojin sama ta Najeriya wasu jiragen saman da ake amfani da su wajen horas da matuka 4.
Wata sanarwar da rundunar sojin Pakistan PAF ta fitar a jiya Litinin a Islamabad, babban birnin kasar ta bayyana cewa, dama kasashen Najeriya da Pakistan sun sanya hannu kan yarjejeniyar cinikin jiragen 10 a Abuja, babban birnin Najeriya a watan jiya.
Yarjejeniyar ta kunshi cinikin jiragen, da kuma ba da horo ga sojin saman Najeriyar. Kuma ana sa ran nan ba da jimawa ba PAF za ta kammala samar da jiragen baki daya.(Ahmad Fagam)