Gwamnatin Angola ta ba da sanarwa a jiya Jumma'a kan batun tekun kudancin Sin, inda ta goyi bayan kasashen da batun ya shafa da su daidaita batun ta hanyar yin shawarwari.

Sanarwar ta ce, kasar Angola tana dora muhimmanci sosai kan yanayin tekun kudancin Sin, gwamnatin kasar ta yi kira ga bangarori daban daban da su kawar da sabani a fannonin ikon mallakar kasa da teku ta hanyar yin shawarwari, bisa yarjejeniyar da suka kulla da tarihi da kuma dokar duniya.(Lami)