Hukumomi a jamhuriyar Nijar sun bayyana cewa, an gano gawawwakin mutane 34 a kan hanyarsu ta zuwa ci-rani sakamakon yunwa da kishirwa a cikin Hamada.

Shugaban yankin Arlit da ke arewacin kasar Nijar Alat Moutgaskia shi ne ya bayyana hakan ga kamfanin dillancin labarai na kasar Sin Xinhua ta wayar tarho. Yana mai cewa, 'yan ci-rani da suka gamu da ajalinsu wani bangare ne na tawagar 'yan ci ranin da suka yi nasarar tsallake shingen jami'an tsaro a kan hanyarsu ta zuwa kasar Algeria.(Ibrahim)