A jiya Asabar rundunar sojin Najeriya ta ba da sanarawar cewar, ta yi nasarar hallaka mayakan Boko Haram 10 a lokacin wani samame da ta gudanar a yankin Gamboru-Ngala dake jihar Borno.
Kanal Sani Usman, mai rikon mukamin daraktan sashen hulda da jama'a na rundunar sojin kasar ya tabbatar da hakan cikin wata sanarwa a birnin Maiduguri, babban birnin jihar Borno a arewa maso gabashin Najeriya.
Usman ya kara da cewar, rundunar ta yi nasarar cafke mayakan na Boko Haram 2 da ransu a lokacin samamen.
A cewarsa, rundunar ta kwato makamai da alburusai masu yawa daga hannun mayakan.(Ahmad Fagam)
