Ma'aikatar harkokin wajen kasar Rasha ta yi na'am da matsayar kasar Sin game da kudurin ta na ganin an warware batun tekun kudanci ta hanyar gudanar da shawarwari.
Ma'aikatar ta kara da cewa, matsayar rasha ta yi daidai da ra'ayin taron kungiyar hadin kai ta Shanghai ko (SCO), kamar yadda hakan ke kunshe cikin sanarwar bayan taron kungiyar ta SCO, wanda ministocin wajen kasashen kungiyar suka fitar, bayan taron su na ranar Talata a birnin Tashkent na kasar Uzbekistan.
Game da hakan, shi ma sakatare janar na kungiyar ta SCO Rashid Olimov, ya fidda wata sanarwa wadda take tabbatar da matsayin kasar ta Rasha.(Saminu)
