in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Bankin masana'antun Nijeriya: 'yan kasuwa masu cimma nasara suna yin amfani da tsarin cinikin Sin
2016-05-06 10:40:06 cri
A jiya Alhamis jaridar Leadership ta kasar Nijeriya ta ruwaito mukaddashin shugaban bankin masana'antu na Nijeriya Waheed Olagunju yayin da yake jawabi a taron koli na zuba jari kan harkokin cinikayya a tsakanin Sin da Afirka da aka gudanar a ranar 4 ga wata, yana jaddada cewa, dangantakar cinikayya a tsakanin Nijeriya da Sin tana da muhimmanci sosai, inda ya yi nuni da cewa, yawancin fitattun 'yan kasuwar da suke ajiya bankinsa suna yin amfani da tsarin ciniki da fasahohi na kasar Sin.

Olagunju ya yi nuni a cikin jawabinsa mai taken "dangantakar dake tsakanin Nijeriya da Sin: abubuwan da ke taimakawa bunkasuwar kasa" cewa, yayin da shugaban kasar Nijeriya Buhari ya kawo ziyara kasar Sin, bankin masana'antu ya tura wata tawagar manyan jami'an bankinsa da suka tafe tare da shugaba Buhari, ta yadda za a inganta hadin gwiwa a tsakanin bankunan Nijeriya da Sin.

Game da matakan raya dangantakar tattalin arziki da cinikayya a tsakanin Nijeriya da Sin kuwa, Olagunju ya yi nuni da cewa, akwai bukatar a daga darajar kayayyakin da kasar Nijeriya take kerawa don warware matsalar rashin daidaiton cinikayya a tsakanin kasashen biyu. Kana ya yi kira ga 'yan Najeriya da su kaunaci kasarsu, maimakon zargi wasu kasashe da hannu a mawuyacin halin da fannin tattalin arzikin kasar ke fama da shi.

Kamfanoni da hukumomin ba da hidima daga bangarori daban daban na kasar Nijeriya ne suka halarci taron kolin, inda suka tattauna makoma da kalubalen da za a fuskanta yayin da ake raya dangantakar dake tsakanin Nijeriya da Sin. (Zainab)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China