A jiya ne, banki mafi girma a Afirka wato Standard Bank na kasar Afirka ta Kudu ya gudanar da dandalin tattaunawa kan tattalin arzikin Sin a birnin Nairobi na kasar Kenya dake gabashin nahiyar Afirka, inda shugabannin bankin da masanan tattalin arzikin Sin da Kenya suka bayyana wa wakila fiye da 100 daga kamfanonin Sin fiye da 50 kan nazari da kiyasin da suka yi game da yadda tattalin arzikin ksar Sin yake, da yanayin kudin Sin RMB zai yi a nan gaba, da kuma hidimar zuba jari da tattara kudi da ake samar wa kamfanonin kasar Sin dake nahiyar Afirka.

Manajan bankin mai kula da harkokin Sin a yankin gabashin Afirka Cao Min ya yi bayani cewa, a matsayinsa na banki mafi girma a Afirka da aka kafa ya kusan shekaru 153, bankin Standard na kasar Afirka ta Kudu ya gano cewa, akwai fannoni da dama da Sin da kasashen Afirka za su yi hadin gwiwa a nan gaba. A shekarun baya baya nan, bankin ya kara gudanar da ayyuka tare da kasar Sin, da mai da kamfanonin Sin a matsayin muhimmin bangare da zai jawo jari ga bankin.

Cao Min ya bayyana cewa, tun a shekarar 2012 ne bankin Standard na kasar Afirka ta Kudu ya bullo da tsarin ajiya ko amfani da kudin Sin RMB a kasashen Afirka 20 ta yadda zai rika gudanar da hada-hada da kudin RMB. A halin yanzu, an fara amfani da wannan tsari a kasashen gabashin Afirka ciki har da Uganda, Kenya da dai sauransu. (Zainab)