Nan ba da dadewa ba ne kasar Iran za ta gudanar da wani atisayen sojojin ruwa a yankunan arewacin tekun Indiya.
Babban kwamandan ruwa na kasar Iran Gholamreza Khadem Bigham ya sanar da cewa, za a gudanar da atisayen mai taken "Velayat 94" ne a ranar 20 ga watan Janairun wannan shekara.
Manufar wannan atisaye, a cewar babban kwamandan, ita ce, auna karfi da kuma ingancin na'urorin mayakan ruwan kasar ta Iran.
Ya kuma bayyana cewa, kasancewar kasar Iran a ruwayen kasa da kasa tare da gudanar da atisayen sojojin ruwa, ya nuna yadda jamhuriyar musulunci ta Iran ke kara karfi da kimtsawa, matakin da kwamandan ya bayyana a matsayin muhimmiyar dabara.(Ibrahim)
