Gwamnatin Najeriya ta yi gargadi a ranar Laraba cewa, za ta ladabtar, sallama ko tusa keya gidan yari duk wasu ma'aikatan kwastan da aka tabbatar sun aikata ayyukan cin hanci da rashawa.
Babban jami'i mai sa ido a ma'aikatar kwastan ta Najeriya (NCS), Hameed Ali, ya yi wannan kashedi a cikin wani jawabi zuwa ga manyan jami'ai da ma'aikatan NCS a birnin Calabar, hedkwatar jihar Cross River dake kudancin Najeriya.
Ya zama wajibi mu nuna misali mai kyau kuma cikin kwarewa a lokacin da muke tafiyar da ayyukanmu na gwamnati, in ji mista Hameed Ali, tare da jaddada cewa, hukumarsa za ta aiwatar da matakin rashin nuna sassauci domin yakar cin hanci, dalilin wajabcin ga manyan jami'ai da ma'aikata da su yi watsi da duk wani nau'in cin hanci. (Maman Ada)
