Shugaban hukumar FIFA da aka dakatar Sepp Blatter ya ki amincewa yayi tsokaci kan ko kwamitin da'a na hukumar ta FIFA nada hurumin haramta masa al'amurran wasanni na har abada.

Blatter ya shedawa manema labarai a Swiss cewar, sam bazai iya bada wani tabbaci dangane da abin da zai biyo baya ba. A cewar sa batu ne na sirri, zai iya zama mutumin banza idan har ya ce uffan kan wannan batu.

Blatter, ya soki lamirin kwamitin da'a na hukumar ta FIFA, inda ya bayyana cewar basu da ikon haramta masa shiga a dama dashi a harkokin wasanni na duniya, dangane da zargin da ake masa na aikata rashawa.(Ahmad Fagam)